Labaran Hausa

Ya kamata a saka sunana a cikin kundin tarihin Duniya, cewar Bola Ahmad Tinubu

Ya kamata a saka sunana a cikin kundin tarihin Duniya, cewar Bola Ahmad Tinubu

Shugaba Bola Ahmed Tinubu ya bayyana cewar zuwa yanzu ya kamata a saka sunansa a cikin kundin tarihin Duniya duba da irin yadda ya mayar da jahar Legas wata aljannar Duniya.

Shugaba Bola Tinubu ya ce ya cancanci a saka shi a cikin kundin tarihin duniya na Guinness saboda gyare-gyaren da ya yi tun hawansa mulki a ranar 29 ga Mayu, 2023, shafin Liberty Tvr na ruwaito.

Tinubu ya bayyana cewa a lokacin da yake gwamnan jihar Legas a tsakanin shekarar 1999 zuwa 2007, ya kawar da jihar daga sifiri zuwa zama kasa ta biyar mafi karfin tattalin arziki a Nahiyar, inda ya kara da cewa irin nasarorin da ya samu ya sa ya zama shugaban kasa.

Ya bayyana hakan ne a yayin taron kasuwanci tsakanin Jamus da Najeriya karo na 10 a birnin Berlin na kasar Jamus.

Kalmominsa Ga waɗanda ke tsoron cikas iri-iri, ku dube ni; Na fito daga kamfanoni masu zaman kansu, kuma ni ɗaya ne daga cikin ku, Deloitte ya horar da ni. Na yi aiki a matsayin ma’ajin Exxon Mobil. Ƙayyade tsarin tafiyar da kamfanoni ta kowace hanya, kuma ina cikinsa.

Na yi mulkin Legas tsawon shekaru takwas a jere. A yau, zan iya bugun kirjina cewa jihar Legas tana kan gaba kuma ita ce kasa ta biyar mafi karfin tattalin arziki a Afirka, ta tashi daga sifiri. Wannan shi ne tarihin da ya kai ni ofishin shugaban Tarayyar Najeriya.

Leave a Reply

Your email address will not be published. Required fields are marked *

Back to top button